Es guets Nüüs!

2018 isch scho wider verbi. Üsi Schar luegt ufnes erfolgrichs Jahr zrug. Eis Highlight isch sicher üses Summerlager mit em Blauring Seewä zeme in Schellenberg in Liechtestei gsi. Mit rund 120 Beteiligte ischs sgröschte Lager gsi, wo je duregfüehrt worde isch. Au sSeewen Sunset und dGwerbusstellig wird üs i Erinnerig blibe.

2019 wird wider es spannends Vereinsjahr. Nebe de übliche Scharaläss wird sSeifechisterenne sicher für Jung und Alt en Höhepunkt si. Im Summer findet sKantonallager im Thurgau statt wo mehreri Schare us Schwyz und Uri zeme durefüehred. Am Gmeindsfest werded mier ebefalls debi si.

sLeiterteam vo de Jungwacht Seewe dankt allne Eltere, Chinde, Sponsore und allne andere Jungwacht Seewä Fans für üchi Unterstützig und üches Vertrue, wo mier jederziit dörfed druf zelle. Mier wünsched allne en guete Start is nüe Jahr!

Übrigens ischs Jahresprogramm 2019 unter Agenda online ufgschalte.