Bruzzelabig

Am Friitig Abig hend sich bi de Chile 28 topmotivierti Jungwächtler und Blauringmeitli versammled. Nachdem mer mehreri Schiiterbiigene gmachd hend bim Baumfäller Spili, sind d Chind denn i Gruppe iteilt worde. Bim aschliessende Postelauf hend sii ihri Öpfel-usm-Wasser-fisch, Gummibärli-im-Mähl-suech und diversi anderi Fähigkeite müesse bewiise. Ds Regegwand heds zum glück nid bruucht. Nach dem Postelauf hend denn alli en sälberbraueti Buechstabesuppe döffe gnüsse. Für d Siegergruppe heds sogar no es feins Dessertli gäh.

 

 

Lagercountdown