Schöni Wiehnachte und en guete Rutsch!

Scho wider isch eis Jahr verbi und Wiehnachte stad vor de Türe. Ziit für en  churze Rückblick. sJahr 2017 isch sehr intensiv und abwechsligsriich gsi. Die gröschte Höhepünkt sind sicher sSeifechiste Derby und sLager in Sonlerto TI. Aber au de Nationali Jubla-Tag, de Eltereabig mit de unterhaltsame Film und und und... werded sicher nid so schnell i Vergesseheit grate.

 

Au im 2018 wirds üs sicher nid langwilig. Scho im Januar findet de ersti Scharalass statt. Ufs Lager cha mer sich we jedes Jahr freue. Wo das gnau stattfinde wird, bliibt nu es Gheimnis. Aber so vill wird schomal verrate: Es isch en sehr spezielle und einzigartige Lagerplatz und Ort. Drum vom 9. Juli bis 21. Juli alles anderi absege und dWanderschueh packe.

Im Summer findet wider sSeewen Sunset statt. Au bi de Gwerbsusstellig bim Züghuusareal wirked mier mit.

 

sLeiterteam vo de Jungwacht Seewe dankt allne Eltere, Chinde, Sponsore und allne andere Jungwacht Seewe Fans für üchi Unterstützig und üches Vertrue, wo mier jederziit dörfed druf zelle. Mier wünsched allne schöni Wiehnachte und en gueti Rutsch. Bis im nächschte Jahr!